ក្រពះជ្រូកឆាផ្សិតខ្មៅ
*គ្រឿងផ្សំក្រពះជ្រូក ៣៧០ ក្រាម ផ្សិតខ្មៅ ១០០ ក្រាម ជីរនាងវង ៣ ត្រួយ។
*គ្រឿងបំពងយកក្លិនឈ្ងុយ
ខ្ញីបន្ទះ ២០ ក្រាម ម្ទេសប្លោកទុំមួយចំហៀង ខ្ទឹមបារាំង ៣០ ក្រាម។
*គ្រឿងផ្សំរសជាតិ
ប្រេងល្ងខ្មៅ ២ ស្លាបព្រាបាយ ទឹកស៊ីអ៊ីវប្រេងខ្យង និងទឹកម្ទេសខាប់មួយមុខ ១ ស្លាបព្រាបាយ ស្រា និងស្ករ មួយមុខ ១ ស្លាបព្រាបាយ ស្រា និង ស្ករ មួយមុខៗ ២ ស្លាបព្រាបាយ ម្សៅខ្លឹមសកន្លះស្លាបព្រាកាហ្វេ ទឹកម្សៅឆា ១ ស្លាបព្រាបាយ និងម្សៅស៊ុបខ្នរ ១ ស្លាបព្រាកាហ្វេ។
*វិធីធ្វើ
១- ខ្វេះស្នូល និងគ្រាប់ម្ទេសប្លោកចេញ និងហាន់ជាចំណិតៗ ខ្ទឹមបារាំង ខ្ញីហាន់ជាសរសៃតូចៗ ជីរនាងវងលាងទឹកឲ្យស្អាតទុកប្រើការ។
២- ផ្សិតខ្មៅត្រាំទឹកមួយស្របក់ ហើយហាន់ជាចំណិតៗ និងយកទៅស្រុសនឹងទឹកក្ដៅរួចហើយហាន់ជាចម្រៀកៗទុកប្រើការ។
៣- ចាក់ប្រេងល្ងខ្មៅចូល និង ដាក់គ្រឿងបំពងយកក្លិនឈ្ងុយ ទើបចាក់ក្រពះជ្រូក និងផ្សិតខ្មៅចូល ឆាត្រឡប់ចុះឡើង ទើបចាក់ទឹកស៊ីអ៊ីវ ប្រេងខ្យង ទឹកម្ទេសខាប់ និង ទឹកមួយចានចង្កឹះ ស្ងោររំងាស់ចូលជាតិ ទើបជាចុងក្រោយចាក់ទឹកម្សៅឆាចូល។ រំងាស់បន្តិចហើយដួសដាក់ចាននិង រោយត្រួយជីរនាងវងពីលើទុកជាការស្រេច៕
ពិតជាគួរអោយកោតសរសើរពីសា្នដៃរបស់អ្នក ដែលបានបង្កើតនូវ វេបសាយ មួយនេះ វាធ្វើអោយមានការងាយស្រួល ក្នុង ការស្រាវជ្រាវ រកពត៌មានជាពិសេសនោះគឺ មុខវិជ្ជាធ្វើម្ហូប។ ខ្ញុំបានអានវា ហើយយក ទៅអនុវត្តជាប្រចាំ។ សូមអរគុណ!
ReplyDelete